Мицкоски на самитот ЕУ-Западен Балкан во Брисел: во фокусот понатамошната интеграција на регионот
- Детали
- Категорија: Македонија
- Создадено: 18 Декември 2024
Денеска премиерот Христијан Мицкоски ќе престојува во дводневна работна посета на Брисел.
Во рамки на посетата Мицкоски ќе оствари средба со високиот претставник/потпретседател на Европската Комисија, Каја Калас, средба со премиерот на Кралството Шпанија, Педро Санчез, како и средба со премиерот на Полска, Доналд Туск.
Воедно, во рамки на посетата претседателот на Владата Мицкоски заедно со министерот за надворешни работи и надворешна трговија, Тимчо Муцунски и министерот за европски прашања, Орхан Муртезани ќе присуствуваат на ЕУ Самитот на Западен Балкан во Брисел на кој за прв пат ќе претседава претседателот на Европскиот совет, Антонио Кошта.
На ЕУ Самитот ќе се разговара за понатамошната интеграција на регионот преку Планот за раст, како и за надворешни, безбедносни и миграциски прашања.
Исто така, претседателот на Владата Мицкоски ќе учествува на Самитот на Европската народна партија, информираат владините служби.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
